शासकीय तंत्रनिकेतन खामगांवला राष्ट्रीय प्रमाणन संस्था चमूची भेट
कुठल्याही तांत्रिक संस्थेत शिकविल्या जाणा-या अभ्यासक्रमांची गुणवत्ता तपासणी करून त्यांना नॅशनल बोर्ड ऑफ अॅक्रेडीटेशन नवी दिल्ली (राष्ट्रीय प्रमाणन मंडळ) द्वारे मानांकन प्रदान केल्या जाते. शासकीय तंत्रनिकेतन, खामगांव येथे अभियांत्रिकी संस्थांसाठीआवश्यक असलेले मानांकन मिळविण्यासाठी दिनांक १२ ते १४ सप्टेंबर २०२५ या दरम्यान संगणक व विद्युत अभियांत्रिकी विभागाकरीता एन.बी.ए. चमूने भेट दिली. या चमूत नवी दिल्ली येथून एक चेअरमन व दोन विषयतज्ञ याप्रमाणे ३ सदस्यीय चमूने भेट दिली. चमूचे औपचारिक स्वागत झाल्यानंतर सुरुवातीलाप्राचार्य डॉ समीर प्रभुणे यांनी संस्थेबद्दलची माहिती पॉवरपॉईन्टद्वारेसादर केली आणि चमूने विचारलेल्या प्रश्नांची समाधानकारक उत्तरे दिली.
दिनांक १२ व १३ सप्टेंबर रोजी चेअरमन यांनी निकषानुसार संस्थास्तरावर विद्यार्थ्यांकरिता उपलब्ध असलेल्या सोई सुविधांचा प्रत्यक्षात आढावा घेतला जसे की कर्मशाळा, ग्रंथालय, शैक्षणिक बाबी, संगणक प्रयोगशाळा, भौतिकशास्त्र प्रयोगशाळा, रसायनशास्त्र प्रयोगशाळा, भाषा प्रयोगशाळा, कार्यालय, मुलांचे वसतीगृह, मुलींचे वसतीगृह, जिमखाना, खेळांची मैदाने, माजी विद्यार्थी सभागृह, पिण्याच्या पाण्याची व्यवस्था,मुलींसाठी स्वतंत्र विश्रामकक्ष, सॅनिटरी पॅड वेंडिंग मशीन, प्रशिक्षण वआस्थापना कक्ष, प्लेसमेंट रेकॉर्ड्स इत्यादी. या प्रत्यक्ष आढाव्याशिवाय त्यांनी वेगवेगळ्या समितींनी तयार केलेल्या फायली व कागदपत्रांची पाहणी केली व समिती प्रमुखांना विविध प्रश्न विचारले. कार्यालयातील आस्थापना विभाग, कोषागार विभाग, विद्यार्थी विभाग, कर्मचाऱ्यांचे पगारपत्रक, विद्यार्थ्यांच्या शिष्यवृत्ती इत्यादी सर्व बाबी त्यांनी तपासून पाहिल्या. संगणक व विद्युत विषयतज्ञ यांनी दोन्ही विभागातील सैध्तान्तिक व प्रयोगशाळेच्या सर्व शैक्षणिक बाबी, अध्यापन पद्धती, अभ्यासक्रमाचे नियोजन, व्याख्याने, प्रयोगशाळा सत्रे आणि अंतर्गत मूल्यमापन कसे घेतले जाते याची माहिती तपासली व सर्व विद्यार्थ्यांची प्रत्यक्ष भेट घेऊन त्यांच्याशी शैक्षणिक बाबींवर संवाद साधला.दिनांक १३ सप्टेंबर रोजी संस्थेत माजी विद्यार्थी, उद्योजक व पालक यांची सभा घेण्यात आली. या सभेकरिता असंख्य माजी विद्यार्थी, उद्योजक आणि पालक उपस्थित होते. तसेच संस्थेतील कार्यरत अधिकारी, कर्मचारी व विद्यार्थी यांची स्वतंत्र बैठक घेतली.
दिनांक १४ सप्टेंबर रोजी सदर समितीने एक्झिट मिटिंग घेतली. त्यात त्यांनी संस्थेचे व्यवस्थापन व धोरणे, प्रशासनाची पारदर्शकता, अंतर्गत गुणवत्ता हमी प्रणाली, अभिप्राय यंत्रणा आणि सामाजिक बांधिलकी याबाबत चर्चा केली. तसेच संस्थेच्या उत्कृष्ट व कमकुवत मुद्दयांविषयी उपस्थितांना माहिती दिली. समितीच्या एकंदरीत भूमिकेवरून ते समाधानी दिसले आणि निकालानंतरबहुधा संस्थेच्या संगणक आणि विद्युत विभागांना उत्कृष्ट मानांकन मिळेलअसा विश्वास सर्व स्तरांवरून व्यक्त होत आहे. याआधी संस्थेच्याअणूविद्युत विभागाला २०२३ या वर्षी तर स्थापत्य विभागाला २०२४ या वर्षी राष्ट्रीय प्रमाणन मंडळाद्वारे मानांकन मिळालेले आहे.प्राचार्य डॉ समीर प्रभुणे यांच्या मते “ही भेट केवळ औपचारिक तपासणीनव्हे तर संस्थेला पुढे जाण्यासाठी प्रेरणा देणारा अनुभव ठरला. यासमितीच्या निरीक्षणामुळे संस्थेला स्वतःच्या ताकदी आणि सुधारण्याच्यागरजा यांचे वस्तुनिष्ठ आकलन झाले. या मार्गदर्शनामुळे आमची संस्था आगामी काळात शिक्षणाची गुणवत्ता अधिकउंचावेल आणि विद्यार्थ्यांना जागतिक स्तरावर स्पर्धा करण्यास सक्षम करेल."
महाराष्ट्र राज्य तंत्रशिक्षण संचालक डॉ विनोद मोहितकर यांच्या सकारात्मक उर्जेमुळे व कल्पक नेतृत्वाखाली, सहसंचालक प्रा मनोज अंधारे यांच्या मार्गदर्शनातून व प्राचार्य डॉ समीर प्रभुणे यांच्या कौशल्यपूर्ण प्रशासनात संस्थेतील संगणक आणि विद्युत विभागप्रमुख अनुक्रमे प्रा संदीप परांजपे व प्रा मनोज मुंदडा, संबंधित विभागातील अधिकारी व कर्मचारी, समन्वयक डॉ प्रसाद बाहेकर, सहसमन्वयक प्रा सोहन चोपडे, शैक्षणिक अवेक्षक व जिमखाना उपाध्यक्ष प्रा राजेश मंत्री, माजी विद्यार्थी संगठन सचिव प्रा सचिन सोनी, प्रशिक्षण व आस्थापना अधिकारी प्रा अंकुश दवंड व सर्व विभागप्रमुख डॉ वाकोडकर, प्रा पदमणे, प्रा आटोळे, प्रा समीर कुलकर्णी, प्रा गौरव भोयर, प्रबंधक श्री भुसारी, श्री राणे यांचेसह संस्थेतील सर्व अधिकारी, कर्मचारी व विद्यार्थी यांनी अथक परिश्रम घेतले असे प्रसिध्दीप्रमुख प्रा राजेश मंत्री यांनी एका प्रसिध्दीपत्रकाद्वारेकळविलेले आहे.
إرسال تعليق