खामगावात महिलेला शिवीगाळ व मारहाण; भाजप च्या रोहनकार बंधू सह तिघांविरोधात विविध कलमान द्वारे गुन्हे दाखल
खामगाव | प्रतिनिधी: खामगाव शहरातील वामन नगर परिसरात कपडे धुत असलेल्या एका महिलेचा विनयभंग करत शिवीगाळ व मारहाण केल्याची गंभीर घटना समोर आली असून या प्रकरणी भाजप च्या रोहनकार बंधू सह तीन आरोपींविरोधात खामगाव शहर पोलीस ठाण्यात गुन्हा दाखल करण्यात आला आहे.
फिर्यादी पीडित महिला या ९ डिसेंबर २०२५ रोजी दुपारी १२ ते १२.३० च्या दरम्यान आपल्या घराजवळील पाण्याच्या टाकीजवळ कपडे धुत होत्या. यावेळी नागेंद्र भिकाजी रोहनकर, महेंद्र भिकाजी रोहनकर व राहुल देशमुख (सर्व रा. वामन नगर, खामगाव) यांनी तेथे येऊन फिर्यादीस अश्लील शिवीगाळ केली. तसेच तिच्यावर हात उचलून मारहाण केल्याचा आरोप आहे.या घटनेदरम्यान संबंधित आरोपींनी महिलेस जिवे मारण्याची धमकी दिल्याचेही फिर्यादीत नमूद करण्यात आले आहे. घटनेनंतर नागरिकांनी हस्तक्षेप करत परिस्थिती नियंत्रणात आणली
या प्रकरणी खामगाव शहर पोलीस ठाण्यात गुन्हा नोंदविण्यात आला असून तपासाची जबाबदारी उपविभागीय पोलीस अधिकारी प्रदीप मुरलीधर पाटील (Dy. SP) यांच्याकडे सोपविण्यात आली आहे. पुढील तपास सुरू आहे.
إرسال تعليق