आदर्श ज्ञानपीठ इंग्लिश स्कूल व ज्युनियर कॉलेज येथे होळी पौर्णिमा उत्साहात साजरी
खामगांव - जनोपचार न्यूज नेटवर्क :- स्थानिक घाटपुरी नाका परिसरातील आदर्श ज्ञानपीठ इंग्लिश स्कूल व ज्युनिअर कॉलेज येथे होळी पौर्णिमा चा कार्यक्रम मोठ्या उत्साहात साजरा करण्यात आला . या कार्यक्रमात विद्यार्थी तसेच विद्यार्थिनी मोठ्या संख्येने उपस्थित होते. कार्यक्रमाची सुरुवात माता सरस्वती, संस्थेच्या संस्थापिका स्वर्गीय विजयाबाई राजपूत यांच्या प्रतिमेला हार अर्पण करुन तसेच दिपप्रज्वलन करुन करण्यात आली. त्यानंतर विद्यार्थ्यांनी होलिका दहन साजरे करण्याचे महत्व आपल्या भाषणातून तसेच संवाद नाटिकेतून उपस्थितांसमोर सादर केले.
या कार्यक्रमासाठी विध्यार्थ्यानी तसेच शिक्षिकेंनी होळी तयार केली होती. सदर होळीचे हार आणि फुले अर्पण करुन वर्गनिहाय पूजन करण्यात आले. आपल्या आजच्या दैनंदिन जिवनात भारतीय संस्कृतिमध्ये विविध सणांचे असणारे अनन्य साधारण महत्व या वेळी आदर्श शाळेच्या शिक्षिकेंच्या भाषणातून विद्यार्थ्यांना विषद करण्यात आले.
या कार्यक्रमात विद्यार्थ्यांचा उत्साह लक्षणीय होता. कार्यक्रमाच्या यशस्वी ते करीता आदर्श शाळेच्या मुख्याध्यापिका सौ अनिता पळसकर, जेष्ठ शिक्षिका सौ ममता महाजन, पर्यवेक्षिका सौ प्रियंका राजपूत, सौ ज्योती वैराळे, कु माधुरी उगले, सौ कल्पना कस्तुरे, सौ अलका वेरूळकर, सौ प्रिया देशमुख, सौ सारिका सरदेशमुख, कु दामिनी चोपडे, सौ अक्षरा इरतकर, सौ प्रियंका वाडेकर, सौ अर्चना लाहूडकर, कु मिनल लांजूडकर, सौ नम्रता देशमुख, श्रीमती स्वाती निंबोकार, सौ कोमल आकणकर, सौ अश्विनी वकटे, श्रीमती सपना हजारे, सौ संगीता पिवळटकर, सौ वंदना गावंडे, सौ सुवर्णा वडोदे, सौ प्रतिभा गावंडे, सौ राजकन्या वडोदे, आदींनी प्रयत्न केले.
إرسال تعليق