Janopchar

 संस्कार भारती व टिळक स्मारक चा भगवान श्रीकृष्ण जन्माष्टमी कार्यक्रम उत्साहात संपन्न

खामगावः जनोपचार न्यूज नेटवर्क : संस्कार भारती, बुलढाणा जिल्हा व टिळक स्मारक महिला मंडळ यांच्या संयुक्त विद्यमाने भगवान श्रीकृष्ण जन्माष्टमी निमित्त दरवर्षी प्रमाणे याहीवर्षी भगवान श्रीकृष्ण जन्माष्टमी मोठ्या उत्साहात साजरी करण्यात आली. यानिमित्त स्थानिक कलाकारांच्या वतीने भगवान श्रीकृष्ण यांच्यावर संगीतमय नाट्य कलाकृती सादर करण्यात आली. याचे लेखन, दिग्दर्शन व निवेदन खामगाव येथिल सिद्धहस्त लेखिका प्रा.सौ. विद्या कावडकर यांनी केले. या नाटकाचे संगीत संयोजन खामगाव येथिल ख्यातनाम गायिका डॉ.कु. प्राजक्ता हसबनीस हिने केले तर गायन डॉ. कु. प्राजक्ता हसबनीस व प्रा.सौ.सीमा देशमुख यांनी केले. त्यांना संवादिनी वर प्रा.डॉ.श्री. प्रवीण आळशी, तबल्यावर श्री. कमलाकर गाठे तर ढोलकी वर श्री. प्रथमेश शिवरकर यांनी साथ संगत दिली.

Advt.

या नाटकात नारद आणि पेंद्या किरण रेठेकर, कंस व दुर्योधन शेखर कुळकर्णी, कर्ण शशांक कस्तुरे, भगवान श्रीकृष्णाची भूमिका सचिन कुळकर्णी, बलराम व वसुदेव विजय राखोंडे, अक्रूर आणि विदुर रघुनाथ खेडे, सुदामा व अश्वत्थामा कमलाकर गाठे, दास सागर ताकवाले व गणेश चांदुरकर, कान्होपात्रा व राधा डॉ. कल्याणी गाठे, मीरा व रुख्मिणी सौ. वृषाली मलकापूरकर, राधा सौ. ज्योती पाटील, पुतना व कुबजा डॉ. सौ. अलका तांबट, उत्तरा सौ. अनुजा चितळे, यशोदा सौ सीमा पाटील, नंदराजा सौ. वंदना गावंडे, द्रौपदी सौ. कृतिका वरणगावकर, गांधारी सौ. शोभा शिंगटे, देवकी सौ. माधुरी हसबनीस, कृष्ण सौ. अनुपमा भडंग, गवळणी सौ. शिवानी कुळकर्णी, सौ. स्मिता देशमुख, सौ. वर्षा सातव तर दासी म्हणून सौ. कविता शिंगटे यांनी भूमिका पार पडल्या. सर्व कलाकारांचे नेपथ्य कु. मीनाक्षी खेडें हिने केले, कार्यक्रम यशस्वी होण्यासाठी सौ. अदिती गोडबोले व सौ. रंजना मुळे यांनी विशेष सहकार्य दिले तर प्रकाश व साऊंड व्यवस्था कैलास गुरव यांनी केली. या नाटकामध्ये भगवान श्रीकृष्ण जन्म, कंस वध, गवळणी, रासलीला याच्या सह भगवान श्रीकृष्णाने गीतेत सांगितलेले तत्वज्ञान सादर करण्यात आले.

या नाटकाला खामगाव तालुका संघचालक संतोष देशमुख, वनवासी सेवा समितीचे अध्यक्ष कन्हैय्यालाल पारिक यांच्यासह खामगाव शहरातील प्रेक्षक मोठ्या संख्येने उपस्थित होते व त्यांची भरभरून दाद मिळाली. या नाटकाचे अनेक ठिकाणी प्रयोग होऊन सादरीकरण व्हावे अश्याही प्रतिक्रिया काही प्रेक्षकांनी व्यक्त केल्यात. शेवटी गोपालकाल्याचा प्रसाद वाटून कार्यक्रमाची सांगता करण्यात आली.