मिशन परिवर्तन अंतर्गत एलसीबीची मोठी कारवाई
MD ड्रग्स सह एकाला ठोकल्या बेड्या
खामगाव जनोपचार न्यूज नेटवर्क : मलकापूर शहरात एम. डी. ड्रग्ज बाळगणाऱ्या एकास स्थागुशा पथकाने पकडले. त्याच्या ताब्यातून 41 हजार 400 रुपयांचा मुद्देमाल हस्तगत करण्यात आला.MD ड्रग्ज संबंधाने जिल्ह्यातील ही पहिलीच कारवाई आहे.
जिल्ह्यात रासायनिक व ईतर तत्सम अंमली पदार्थांची वाहतूक, साठवणूक व विक्री करणाऱ्या समाज कंटकांचा शोध घेऊन त्यांचेवर कायदेशीर कार्यवाही करणे बाबत पोलीस अधीक्षक निलेश तांबे यांनी स्थानिक गुन्हे शाखेला आदेशीत केले होते. त्याप्रमाणे जिल्ह्यात गुन्हेगारीवर छाप असलेले पोनि. सुनिल अंबुलकर स्थानिक गुन्हे शाखा बुलढाणा यांनी अधिनस्त पोलीस अधिकारी व अंमलदार यांचे स्वतंत्र पथक करुन, त्यांना अंमली पदार्थं संबंधाने गोपनीय माहिती काढून त्या बाबत कायदेशीर कार्यवाही करणेबाबत सुचित केले होते. त्या अनुषंगाने दि.25/09/2025 रोजी पो.स्टे. मलकापूर शहर येथे एम.डी. ड्रग्ज (मॅफेड्रॉन ड्रग्ज) संबंधाने बुलढाणा जिल्ह्यातील पहिली कारवाई करण्यात आली. मलकापूर शहरात गस्त करीत असतंना, एक इसम हा संशयास्पद हालचाली करुन, पोलीसांची गाडी पाहून पळून जात असतांना पोलिसांनी त्याला पकडले. व त्याची ओळख पटवून, त्याची पंचा समक्ष अंगझडती घेतली असता, त्याचे जवळ आरोग्यासाठी अत्यंत हानीकारक असे एम.डी. (मॅफेड्रॉन ड्रग्ज) ड्रग्ज मिळून आले. सदर ईसमाविरुध्द पो.स्टे. मलकापूर श. येथे एन.डी.पी.एस. अॅक्टचे कलम 8 (क), 22(ब) नुसार गुन्हा नोंद करण्यात आला असून तपास पो.स्टे. मलकापूर श. करीत आहेत. मोहसीन ईजाज सैय्यद वय 27 वर्षे, ह.मु. पारपेठ गुरुव्दारा जवळ, मलकापूर जि. बुलढाणा. मुळ राहणार- शाहूनगर चाळ, मुंब्रा रेल्वे स्टेशनजवळ, ठाणे असे आरोपीचे नाव आहे.
जिल्ह्यात "मिशन परिवर्तन: मा. पोलीस अधीक्षक श्री. निलेश तांबे यांचे संकल्पनेतून दि.26/06/2025 पासून जिल्ह्यात अंमली पदार्थांविरुध्द "मिशन परिवर्तन" राबविण्यात येत असून, मिशन परिवर्तन अंतर्गत अंमली पदार्थांची वाहतूक, साठवणूक व विक्री करणाऱ्या ईसमांचा शोध घेवून त्यांचेवर कायदेशीर करण्यात येत आहे.
यांनी केली कारवाही.,..
अधीक्षक बुलढाणा यांचे आदेशान्वये तर श्री. अमोल गायकवाड अपर पोलीस अधीक्षक बुलढाणा यांचे मार्गदर्शनाखाली पोनि. श्री. सुनिल अंबुलकर स्था.गु.शा. बुलढाणा यांचे प्रत्यक्ष उपस्थितीत पोउपनि. पोउपनि, अविनाश जायभाये, पोहेकों, दिपक लेकुरवाळे, शेख चौद, गणेश पुरुषोत्तम पाटील, पोकी, गजानन गोरले, मपोकॉ. आशा मोरे, चापोना, सुरेश भिसे नेमणूक स्था.गु.शा. बुलढाणा, पोकॉ. ऋऋषीकेश खंडेराव तांत्रिक विष्लेषण विभाग बुलढाणा यांचे पथकाने केली.
إرسال تعليق