जनोपचार न्यूज नेटवर्क खामगाव

खामगाव : जनोपचार न्यूज नेटवर्क: वंचित बहुजन आघाडीतर्फे श्रद्धेय डॉ बाळासाहेब आंबेडकर यांच्या वाढदिवसानिमित्त “स्वाभिमानी दिवस” साजरा करण्यात येणार आहे. यानिमित्त रविवार दिनांक १० मे २०२६ रोजी सकाळी ९.३० वाजता खामगाव येथील सामान्य रुग्णालय परिसरात विविध सामाजिक उपक्रमांचे आयोजन करण्यात आले आहे.

या कार्यक्रमांतर्गत फळ वाटप, रक्तदान शिबिर तसेच रुग्णालयात भोजनदान करण्यात येणार असल्याची माहिती प्रसिद्धीपत्रकाद्वारे देण्यात आली आहे. या उपक्रमात वंचित बहुजन आघाडी, भारतीय बौद्ध महासभा, वंचित बहुजन महिला आघाडी, वंचित बहुजन युवा आघाडी आणि समता सैनिक दल यांचा सहभाग राहणार आहे. सर्व पदाधिकारी, कार्यकर्ते व नागरिकांनी उपस्थित राहण्याचे आवाहन आयोजक देवराव (देवाभाऊ) भाऊराव हिवराळे यांनी केले आहे.